Fimmti fundur
Á fimmta og síðasta fundi í fundaröð Menntavísindasviðs Háskóla Íslands; Kennaramenntun í deiglu var fjallað um kennaramenntun í Evrópu. Einnig var farið yfir samantekt fyrri funda og síðan tóku við pallborðsumræður.
Í upphafi fjallaði Anja Swennen kennari við Vrije Universiteit í Amsterdam um strauma í kennaramenntun frá evrópskum sjónarhóli. Hún hefur m.a. starfað á vegum Association of Teacher Education in Europe (ATTE). Árið 2009 var hún annar ritstjóri bókarinnar, Becoming a Teacher Educator: Theory and Practice for Teacher
Educators. Sjá nánar um Anja Swennen
Síðan tók Anna Kristín Sigurðardóttir, deildarforseti Kennaradeildar, saman það sem fram hefur komið á fyrri fundum. Að því búnu tóku við pallborðsumræður.
Í pallborði, sem bar yfirskriftina Kennaramenntun í deiglu: Brýnustu verkefni framundan, sátu Elna Katrín Jónsdóttir varaformaður Kennarasambands Íslands, Jón Torfi Jónasson forseti Menntavísindasviðs, Sigurjón Mýrdal deildarstjóri í mennta- og menningarmálaráðuneyti, Sjöfn Þórðardóttir formaður Heimila og skóla – landssamtaka foreldra og Svandís Ingimundardóttir skólamálafulltrúi hjá Sambandi íslenskra sveitarfélaga.
Umfjöllun Svandísar Ingimundardóttur í pallborði og yfirlit yfir gögn og umræðu um kennarastarfið sem Svandís tók saman
Upptaka af fimmta fundi– Samræða um kennaramenntun og samfélag
Fjórði fundur; hæfni kennara og leiðir í menntun.
Á fjórða fundi fundaraðar Menntavísindasviðs um menntun kennara, Kennaramenntun í deiglu, var fjallað um hæfni kennara og leiðir í menntun. Rættvarum nýja skipan náms leik-, grunn- og framhaldsskólakennara á Menntavísindasviði. Anna Kristín Sigurðardóttir, deildarforseti Kennaradeildar, flutti inngangsorð og síðan skipuðu fundarmenn sér í þrjár málstofur, eftir skólastigum. Í hverri málstofu greindi námsbrautarstjóri viðkomandi skólastigs frá tillögum um nýja skipan kennaranáms og síðan fjallaði fagfólk um hvað það álítur mikilvægt veganesti inn í starfið fyrir hvert skólastig fyrir sig.
Leikskólakennarafræði
Ný skipan náms Kristín Karlsdóttir, formaður námsbrautar í leikskólakennarafræði
Sjónarhorn starfandi leikskólakennara Marta Dögg Sigurðardóttir, leikskólakennari
Grunnskólakennarafræði
Ný skipan náms Kristín Jónsdóttir, formaður námsbrautar í grunnskólakennarafræði
Sjónarhorn starfandi grunnskólakennara Guðbjörg Ragnarsdóttir, grunnskólakennari
Fagreinakennarar
Þekking og hæfni faggreinakennarans og ný skipan náms Hafdís Ingvarsdóttir, formaður námsbrautar í framhaldsskólakennarafræði
Menntun faggreinakennara Eiríkur Rögnvaldsson, deildarforseti við Háskóla Íslands
Sjónarhorn faggreinakennara Anna María Gunnarsdóttir, framhaldsskólakennari
Upptökur:
Málstofa um nýja skipan nám í leikskólafræði
Málstofa um nýja skipan náms í grunnskólakennarafræði.
Þriðji fundur; Menntun kennara á vettvangi og tengsl við þróun skólastarfs
Þriðji fundur um kennaramenntun í deiglu var haldinn 18. maí 15.00–16.30 í Skriðu, fyrirlestrarsal í húsnæði Menntavísindasviðs við Stakkahlíð.
Hvað merkir samábyrgð í kennaranámi?
Þuríður Jóhannsdóttir, lektor við Menntavísindasvið, fjallaði um ólíkar leiðir sem fara mætti í þróun kennaranáms
og mikilvægi þess að tengsl akademísks náms og starfs á vettvangi rofni ekki. Hún ræddi um hugtakið ábyrgð og lagði til að hugtakið samábyrgð verði notað sem leiðarljós í umræðu um þróun kennaramenntunar.
Starfsþjálfun í menntun framhaldsskólakennara og tengsl við þróun í skólastarfi
Ingibjörg Sigurðardóttir, framhaldsskólakennari í Menntaskólanum við Hamrahlíð og verkefnisstjóri við starfsþjálfun kennaranema, rakti hvernig samstarfi framhaldsskóla og Menntavísindasviðs er háttað. Hún sagði ferlið mikilvægt fyrir alla aðila, kennaranemann, leiðsagnarkennarann og heimaskólann. Nemarnir sæki mikilvæga reynslu, en komi jafnframt með hugmyndir, nýjungar og ný sjónarmið út í skólana.
Vangaveltur um vettvangsnám kennaranema frá sjónarhóli leikskólans
Ingibjörg E. Jónsdóttir, leikskólastjóri í leikskólanum Bakka og verkefnisstjóri við starfsþjálfun kennaranema, fjallaði um þann ávinning sem leikskólinn hefur af því að hafa kennaranema í vettvangsnámi og hvernig það ætti að vera skipulagt til að það skili árangri fyrir skólann. Hún sagði frá reynslu leikskólans af því að taka á móti kennaranemum síðustu fimm árin og hvernig samstarfið hefur eflt starfið í leikskólanum og kennaranna sem þar starfa.
Samantekt umræð á þriðja fundi
Upptaka af öðrum fundi um kennaramenntun í deiglu 4. maí 2010.
Á öðrum fundi fundaraðar Menntavísindasviðs Kennaramenntun í deiglu var fjallað um samfélagið og áherslur í kennaramenntun. Flutt voru erindi um hlutverk kennaramenntunar í samfélaginu, menntun til sjálfbærni og mikilvægi menntunar í samtímanum.
Fagmennska kennara – kjarni kennaramenntunar
Sigurjón Mýrdal deildarstjóri í mennta- og menningarmálaráðuneyti fjallar um hlutverk kennaramenntunar í samfélaginu. Hann telur að kjarni kennaramenntunar þurfi að snúast um starfskenningu, gildi og hæfni í starfi. Í breytingum sem framundan eru á kennarastarfinu er ástæða til að beina athyglinni sérstaklega að menntastofnunum kennara og starfsmönnum þeirra. Hverjir eru best til þess fallnir að mennta kennara og við hvaða aðstæður? Í hverju er fagmennska þeirra fólgin?
Ábyrgð kennara í ósjálfbærum heimi
Kristín Vala Ragnarsdóttir, forseti Verkfræði- og náttúruvísindasviðs ræðir um menntun til sjálfbærni sem nú er ein af fimm stoðum menntunar barna í landinu, en fæstir í þjóðfélaginu skilja hvað hugtakið felur í sér. Í erindinu gerir Kristín Vala grein fyrir hvers vegna menntun til sjálfbærni er lykillinn að framtíðarvon komandi kynslóða. Hún ræðir um ábyrgð kennara í ósjálfbærum heimi og að sjálfbærni þurfi að vera kjarninn í kennslu allra faga.
Haldbær menntun
Ólafur Páll Jónsson, dósent í heimspeki við Menntavísindasvið veltir því fyrir sér að á sama tíma og almenn menntun og háskólamenntun hafi aukist á Íslandi, þá hafi íslenskt samfélag líklega verið sífellt fjær því marki að vera sjálfbært, bæði með tilliti til náttúru, efnahags og samfélagsgerðar. Til að velta fyrir sér ástæðum þessa öfuga samspils menntunar og sjálfbærni skoðar Ólafur eðli og inntaki menntunar, fræðilegrar þekkingar og siðferðis.
Fyrsti fundur; hugmyndfræðileg átök í mótun kennaramenntunar
Upptaka af fyrsta fundi um kennaramenntun í deiglu 26. apríl 2010.
Grein Jóns Torfa Jónassonar um hugmyndafræðileg átök í mótun kennaramenntunar.
Í greininni er m.a. fjallað um:
- Ólík sjónarhorn í umræðu um kennaramenntun
- Meginstoðir umræðu um menntun kennara
- Umfang kennaramenntunar
- Breidd verkefnisins.
- Hverjir eru kennarar?
- Inntak kennaramenntunar
- Hlutverk skólanna
- Í hverju felst fagmennska kennara?
- Hverjir mennta kennara?
- Mótun fagmanns – tengsl við vettvang
- Samhengið og samstilling
Samantekt á máli Berglindar Rósar Magnúsdóttur sem var annar málshefjanda umræðu. Hún fjallar um tvö atriði sem fram komu í máli Jóns Torfa Jónassonar, þ.e. samhengi og samstillingu og inntak menntunar.