Heimildaskráning

Heimild

Heimildaskráning felst í því að skrá, eftir fyrirframgefnum reglum,  þær heimildir sem notast er við og vísað er til í ritsmíð.

Ekki má notfæra sér efni annarra án þess að vísa til þeirra. Með því að skrá og vísa samviskusamlega til heimilda geta lesendur séð hvaðan höfundur hefur fengið upplýsingar, innblástur, hugmyndir, efnivið o.s.frv., o.s.frv.


Heimildaskráning skiptist í þrennt: Tilvitnanir, tilvísanir og heimildaskrá.

  1. Tilvitnun er efni eða efnisatriði sem fengið er úr heimild.
  2. Tilvísun í lesmáli vísar til heimildar þar sem hún er skráð í heimildaskrá. Tilvísun inniheldur oftast nafn höfundar og ártal auk blaðsíðutals, sé þess þörf.
  3. Í heimildaskrá eru færðar allar heimildir sem vísað er til í lesmálinu, en ekki aðrar.
    • Í flestum heimildaskráningakerfum er gert ráð fyrir að fram komi hver er  höfundur, hvenær heimildin var gefin út, um hvers konar heimild er að ræða og hvar hún kom út eða hvar hún er á vefnum.

Heimildaskráningakerfi
Heimildir, bæði heimildaskrár og tilvísanir, eru skráðar eftir kúnstarinnar reglum en til eru ýmis heimildaskráningakerfi og byggir hvert kerfi á eigin hefðum og hefur eigin reglur.

Mismunandi er eftir faggreinum hvaða kerfi eru notuð. Sum tímarit nota sín eigin kerfi. Hér er að finna yfirlit yfir helstu heimildaskráningarkerfin.

Heimildaskráningaforrit
Til eru forrit sem auðvelda fólki að halda utan um og skrá heimildir. Sum eru ókeypis en greiða þarf fyrir önnur. Hér er að finna upplýsingar um algengustu forritin.


Síðast uppfært: 20/01/2014

Share